US

ଟ୍ରମ୍ପଙ୍କ ବିରୁଦ୍ଧରେ ମହାଭିଯୋଗ; ୨୧ ରେ ବିଚାର

INTERNATIONAL

ନୂଆଦିଲ୍ଲୀ : ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପଙ୍କ ବିରୁଦ୍ଧରେ ମହାଭିଯୋଗ ପ୍ରସ୍ତାବର ବିଚାର ଆସନ୍ତା ୨୧ ତାରିଖରେ ଆରମ୍ଭ ହେବାର ଅନୁମାନ କରାଯାଉଛି। ଆମେରିକା ସିନେଟ୍ ଦ୍ୱାରା ଏହି ମହାଭିଯୋଗ ପ୍ରସ୍ତାବ ଉପରେ ବିଚାର କରାଯିବ। ଗତମାସରେ ଆମେରିକା ପ୍ରତିନିଧି ସଭାରେ ତାଙ୍କ ବିରୁଦ୍ଧରେ ମହାଭିଯୋଗ ସଂକ୍ରାନ୍ତରେ ବିତର୍କ ହୋଇଥିଲା ଓ ଏଥିରେ ସେ ଦୋଷୀ ସାବ୍ୟସ୍ତ ହୋଇଥିଲେ।

ଜଣେ ପ୍ରମୁଖ ରିପବ୍ଲିକାନ୍ ପାର୍ଟି ସିନେଟ୍ ସଦସ୍ୟ କହିଛନ୍ତି ଟ୍ରମ୍ପ ତାଙ୍କର ଜଣେ ରାଜନୈତିକ ପ୍ରତିଦ୍ୱନ୍ଦୀଙ୍କ ବିରୁଦ୍ଧରେ ତଦନ୍ତ ଆରମ୍ଭ କରିବାକୁ ୟୁକ୍ରେନ୍ ଉପରେ ଚାପ ପକାଇଥିଲେ। ସପ୍ତାହେ ପର୍ୟ୍ୟନ୍ତ ଏହାକୁ ଅଟକାଇ ରଖିବା ପରେ ହାଉସ୍ ସ୍ପିକର ନାନ୍ସୀ ପେଲୋସି ଚଳିତ ସପ୍ତାହରେ ମହାଭିଯୋଗ ପ୍ରସ୍ତାବକୁ ସିନେଟକୁ ପଠାଇ ପାରନ୍ତି ବୋଲି ଅନୁମାନ କରାଯାଉଛି । ଏହା ଆଜି ସିନେଟକୁ ପଠାଯିବାର ଯଥେଷ୍ଟ ସମ୍ଭାବନା ରହିଛି। ୧୦୦ ସଦସ୍ୟ ବିଶିଷ୍ଟ ସିନେଟରେ ରିପବ୍ଲିକାନ୍ ପାର୍ଟିର ସଂଖ୍ୟାଗରିଷ୍ଠତା ଥିବା ଦୃଷ୍ଟିରୁ ଏହା ସିନେଟରେ ପାସ୍ ହେବାର ସମ୍ଭାବନା ବହୁତ କମ୍ ରହିଛି।

Please follow and like us: