‘କ୍ରିଶ୍’ ସିରିଜର ୪ର୍ଥ ଭାଗ ରେ ନଜର ଆସିପାରନ୍ତି ଦୀପିକା ପାଦୁକୋନ୍

ENTERTAINMENT

ମୁମ୍ବଇ : ରାକେଶ୍ ରୋଶନ୍ ନିର୍ଦେଶିତ ଓ ତାଙ୍କ ପୁଅ ହ୍ରିତିକ୍ ରୋଶନ୍ ଅଭିନୀତ ‘କ୍ରିଶ୍’ ସିରିଜର ୪ର୍ଥ ଭାଗ କାମ ଆଗେଇବାରେ ଲାଗିଛି। ବିଦେଶରୁ ୟୁନିଟ୍ ଲୋକ ଆସି ମୁମ୍ବଇରେ ସେଟ୍ ସଜାଇବା କାମରେ ଲାଗିପଡ଼ିଛନ୍ତି। କାହାଣୀର ଶେଷ ପର୍ୟ୍ୟାୟ ଲେଖାସରିଥିବାବେଳେ ଏବେ ଅଭିନେତ୍ରୀଙ୍କ ନାମ ମନୋନୀତ ହେବ। ଏକ ବିଶ୍ବସ୍ତ ସୂତ୍ରରୁ ମିଳିଥିବା ଖବର ଅନୁସାରେ, କ୍ରିଶ୍-୪ରେ ଦୀପିକା ପାଦୁକୋନ୍ ଅଭିନୟ କରିପାରନ୍ତି।

କ୍ରିଶର ପ୍ରଥମ ଭାଗ ‘କୋଇ ମିଲ୍ ଗୟା’ରେ ହ୍ରିତିକ୍ ଓ ପ୍ରୀତି ଜିଣ୍ଟା ଅଭିନୟ କରିଥିଲେ। ଏହାର ପରବର୍ତ୍ତୀ ଦୁଇଟି ଭାଗରେ ପ୍ରିୟଙ୍କା ଚୋପ୍ରା କାମ କରିଥିବାବେଳେ ଚତୁର୍ଥ ଭାଗ ପାଇଁ ପ୍ରିୟଙ୍କାଙ୍କର ଆଦୌ ଆଗ୍ରହ ନାହିଁ। କାରଣ ବିଦେଶୀ ରାଇଜରେ ସେ ଘର ସଂସାର କରିସାରିଥିବାବେଳେ ଏବେ ହଲିଉଡ ପ୍ରୋଜେକ୍ଟ ପ୍ରତି ସେ ଅଧିକ ଆଗ୍ରହୀ। ଏଣୁ ରାକେଶ୍ ରୋଶନ୍, ପ୍ରିୟଙ୍କାଙ୍କୁ ବାରମ୍ବାର ଅନୁରୋଧ କରିବାକୁ ଉଚିତ୍ ମଣୁନାହାନ୍ତି। ଏପରିସ୍ଥଳେ ବର୍ତ୍ତମାନ ସମୟରେ ଦୀପିକା ଅନ୍ୟତମ ଆଗଧାଡ଼ିର ଅଭିନେତ୍ରୀ ଭାବେ ଜଣାଯାଉଛନ୍ତି। ଦୀପିକା ମଧ୍ୟ କାହାଣୀ ଶୁଣି ସବୁଜ ସଙ୍କେତ ଦେଇଥିବାର ୟୁନିଟ୍ ସଦସ୍ୟ ପ୍ରକାଶ କରିଛନ୍ତି।

Please follow and like us:
error